

D2900

བོད་ཀྱི་ལོ་ཙཱ་བ་ཁམས་པ་བ་རི་དགེ་སློང་རིན་ཆེན་གྲགས་པས་བསྒྱུར་ཅིང་ཞུས་པའོ།།[་]@##། །རྒྱ་གར་སྐད་དུ། བཛྲ་ཀྲོ་དྷ་དྷ་ར་སཱ་དྷ་ན་ནཱ་མ། བོད་སྐད་དུ། ཁྲོ་བོ་རྡོ་རྗེ་འཛིན་པའི་སྒྲུབ་པའི་ཐབས་ཞེས་བྱ་བ། བླ་མ་རྗེ་བཙུན་ པའི་ཞབས་ལ་ཕྱག་འཚལ་ལོ།།རྣལ་འབྱོར་བ་ལ་གནོད་པ་ཡི། །འབྱུང་པོའི་ཚོགས་རྣམས་བསྲུང་བའི་ཕྱིར། །རྡོ་རྗེ་འཛིན་མཆོག་སྒྲུབ་པའི་ཐབས། །འབད་པའི་བློ་ཡིས་བསྒྲུབ་པར་བྱ། །དང་པོར་སྟན་བདེ་ལ་འདུག་སྟེ། །སྐད་ཅིག་གཅིག་གིས་རྡོ་རྗེ་འཛིན། །ཁྲོ་བོའི་རྒྱལ་པོར་ བསྐྱེད་པ་ཡི།།སྙིང་ཀའི་ས་བོན་འཕྲོས་པ་ལས། །འགྲོ་བ་སྦྱངས་པ་རྣམ་གསུམ་བྱ། །མཆོད་པའི་ལྷ་རྣམས་སྤྱན་དྲངས་ཏེ། །མཉེས་པའི་དོན་དུ་ལུས་སྤྲུལ་བྱ། །སྙིང་གའི་ས་བོན་ལས་བྱུང་བའི། །མཆོད་པ་རྣམ་པ་ལྔ་དག་ཀྱང་། །སྤྲོ་བསྡུའི་ཚུལ་གྱིས་བརྒྱན་པར་བྱ། །ོཾ་བཛྲ་ ས་མནྟ་ཨ་གརྦྷ་བཛྲ་པུཥྤེ་ཧཱུཾ།བཛྲ་དྷཱུ་པེ་ཧཱུཾ། བཛྲ་དཱི་པེ་ཧཱུཾ། བཛྲ་གནྡྷེ་ཧཱུཾ། བཛྲ་ནི་ཝི་དྱེ་ཧཱུཾ། དེ་ནས་པུས་མོ་སར་བཙུགས་ཏེ། །རྡོ་རྗེ་ཐལ་མོ་སྦྱར་ནས་ཀྱང་། །རབ་ཏུ་གུས་པས་འདི་བརྗོད་བྱ། །བསགས་སྡིག་ཇི་སྙེད་བཤགས་པར་བགྱི། །ཚོགས་རྣམས་ཀུན་ལ་རྗེས་ཡི་རང་། །ཟབ་ མོའི་འཁོར་ལོ་བསྐོར་བར་བསྐུལ།།མྱ་ངན་མི་འདའ་བཞུགས་སུ་གསོལ། །དགེ་བ་ཐམས་ཅད་མཆོག་ཏུ་བསྔོ། །ལུས་ཉིད་ཀྱང་ནི་རྣམ་པར་དབུལ། །བྱང་ཆུབ་སེམས་ནི་རབ་བསྐྱེད་བྱ། །བདག་གིས་རྫོགས་སངས་རྒྱས་ཐོབ་ཤོག་།དེ་ནས་བྱམས་དང་སྙིང་རྗེ་དང་། །དགའ་བ་ བཏང་སྙོམས་བསྒོམ་པར་བྱ།།དེ་ནས་སྣོད་བཅུད་རྣམ་པར་སྦྱངས། །ོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱདྱ་ནུཏྤནྣ་ཏྭཱ་ཏ། ཅེས་བརྗོད་པས་ཆོས་ཐམས་ཅད་སྟོང་པ་ཉིད་དུ་བསྒོམ་མོ། །ཧཱུཾ་ལས་རྒྱ་གྲམ་དྲ་བའི་མཆོག་།པདྨ་ཟླ་བའི་སྟེང་དག་ཏུ། །ཧཱུཾ་ལས་ཁྲོ་བོའི་སྐུར་བསྐྱེད་བྱ། །བཛྲ་ཧཱུཾ་ཀ་ར་ཞེས་ པས།།རབ་ཏུ་འཇིགས་པའི་ཁྲོ་བོ་ནི། །ིནྡྲ་ནཱི་ལའི་ཁ་དོག་ཅན། །ཞལ་གཅིག་སྤྱན་གསུམ་འཇིགས་པ་བཞིན། །སྨ་ར་མགོ་སྐྱེས་སེར་ལ་མཛེས། །སྦྲུལ་སྔོན་ཟ་ཞིང་མཆེ་བ་གཙིགས། །གཡས་ན་རྡོ་རྗེ་གདེངས་པའི་ཚུལ། །གཡོན་པ་བསྡིགས་པའི་མཛུབ་མོ་སྟེ། །སྦྲུལ་ནག་སེ་རལ་ ཁ་རུ་བཟུང་།། ལ་ལ་ཡི་གད་མོ་སྒྲོགས། །ཀླུ་བརྒྱད་དག་གིས་བརྒྱན་པའི་སྐུ། །པདྨའི་གདན་ལ་བརྐྱང་བསྐུམ་བཞུགས། །སྟག་གི་པགས་པས་སྨད་དཀྲིས་པ། །བརྒྱན་ལ་ཡེ་ཤེས་སེམས་བསྒོམ་བྱ། །ས་བོན་འོད་ཀྱིས་མཆོག་བཀུག་ནས། །གོང་གི་མཆོད་པས་མཉེས་བྱས་ ཏེ།།བསྟོད་པའི་རྒྱལ་པོ་འདི་ཡང་བརྗོད། །ོཾ་ན་མཿསྭཱ་ཧཱ་རི་ཤྲུཥྚོ་པ་ཡཾ་ན་མཿཤུད་ཀྲི་བཛྲ་པཱ་ཎི་ན་མཿས་རོ་ན་པཾ་སརྦ་ཝ་ཤཱུཥྞཱི་ཥ་ཀ་རི་ཧེ་ཧེ་ཧེ། ཛཿཧཱུཾ་བཾ་ཧོཿས་གཉིས་མེད་ནས། །ལྷ་མོ་བཞི་ལས་དབང་བླངས་པའི། །རྟགས་ནི་མི་བསྐྱོད་ཅོད་པན་རྩེར། །ཡི་གེ་གསུམ་གྱིས་བྱིན་ གྱིས་བརླབས།།ཡིད་བཞིན་འཁོར་ལོའི་བཟླས་པ་ནི། །ཏ་དྱ་ཐཱ་བྷོ་བྷོ་ཞེས་བྱ་བ་ནས། རཱ་ཛྙཱ་པ་ཡ་ཏི་སྭཱ་ཧཱ་ཞེས་བྱ་བའི་བར་དུའོ། །སྒྲ་ཆེ་མ་ཡིན་ཆུང་མ་ཡིན། །རང་བཞིན་གསལ་བའི་བཟླས་པ་ནི། །མི་སྐྱོ་བར་དུ་ཅི་བདེར་བྱ། །དེ་ནས་སྤྲོ་བསྡུ་ཇི་སྙེད་པའི། །མཐའ་ལ་བསྡུ་བ་བྱས་ནས་ཀྱང་། །སྟོང་པ་ཉིད་དུ་ བསྒོམ་པར་བྱ།།སླར་ལ་བསྐྱེད་ལ་ཕྱག་རྒྱ་དཀྲོལ། །ོཾ་ཨཱཿཧཱུཾ་མུཿདེ་ནས་སྤྱོད་པ་ཅི་བདེར་སྤྱོད། །དམ་ཚིག་ང་རྒྱལ་གཏང་མི་བྱ། །དེ་ཐུན་བཞི་ཡི་སྦྱོར་བ་ཡིས། །བརྩོན་པར་བྱས་ན་ངེས་པར་འགྲུབ། །དད་ལྡན་བླ་མ་ལྡན་པ་དང་། །དབང་དང་དམ་ཚིག་ལྡན་པ་ལ། །བཅོམ་ལྡན་རྡོ་རྗེ་འཛིན་ མཆོག་གི།།མཆོག་གི་དངོས་གྲུབ་ཉེར་རྙེད་འགྱུར། །ཁྲོ་རྒྱལ་རྡོ་རྗེ་འཛིན་མཆོག་གི། །སྒྲུབ་ཐབས་དམ་པ་འདི་དག་ཉིད། །བདག་གིས་བརྩམ་པར་མི་རིགས་ཀྱང་། །རྒྱུད་འགྲེལ་དགོངས་པ་ལས་བཏུས་བྱས། །འདི་ལས་བྱུང་བའི་དགེ་བ་ཡིས། །འགྲོ་རྣམས་རྡོ་རྗེ་འཛིན་པར་ཤོག་།ཁྲོ་ ་བོ་རྡོ་རྗེ་འཛིན་པའི་སྒྲུབ་ཐབས་ཞེས་བྱ་བ་རྫོགས་སོ།